JHG-statua i Hareid sentrumJohan H. Grimstad er død
Den kjende komponisten, biletkunstnaren og lyrikaren Johan H. Grimstad er død - 81 år gamal.
Johan H. Grimstad hadde vore i full vigør kvelden den 7. mars. Først var han dirigent då Grimstadkoret øvde, etterpå leidde han den faste tysdagsøvinga til Hareid blandakor.
Men i løpet av natta til 8. mars sovna han inn i heimen i Sørngarden på Grimstad.
Johan H. Grimstad fekk utfalde evnene sine på mange felt. Som kunstnar var han ein dyktig akvarellmålar, ein fin lyrikar og - ikkje minst - ein svært anerkjend komponist og kor-arrangør og songar. Han var også aktiv i fråhaldsarbeidet og politikken.
Av yrke var han lærar og bonde.
Han har fått ei rekke utmerkingar, som t.d. Kongens foretenestemedalje i gull, fylkeskulturprisen for Møre og Romsdal og Hareid kommune sin kulturpris. Han var drivkrafta i oppstarten av Hareidsstemna i 1962, og i ein mannsalder var han leiar for dette årlege kulturarrangementet. Johan H. døde den 8. mars 2006.
| < Førre | Neste > |
|---|
