Charlotte Fongen og Magne Fremmerlid
Jubileumsprega gla'konsert
Hjørungavåg Brass inviterer enno ein gong til gla'konsert under Hareidsstemna.
Her blir det full feststemning saman med solistar, kor og orkester. Høgdepunktet blir nok jubileumsverket til 50-årsfeiringa, der komponist Odd-Arve Hjørungdal sjølv dirigerer.
Operasolistane Charlotte Fongen og Magne Fremmerlid deltek i store delar av konserten. Repertoaret deira spenner frå lette og muntre, til kjende og kjære klassiske perler. I tillegg er også dans og film med i opplegget.
Med på jubileumsverket er eit kor samansett av Brandalskoret og Hareid kammerkor. Eit anna høgdepunkt blir Grieg og Bjørnson sitt mektige verk "Landkjenning". Her får vi høyre eit samansett mannskor med Magne Fremmerlid som solist.
Hareidhallen søndag 16. oktober kl. 19.00. Bill. hos Eiken Libris, Strax Bok & Rekvisita, Statoil Hareid og ved inngangen
